Ye yá vezu ente direutores, actores y escritores criticar de cuando en vez el cine de superhéroes, y a otros nomaos como puen ser Martin Scorsese, Alan Moore o Jason Statham, xúnese agora Quentin Tarantino.
El direutor, qu’allá una vegada tuvo pensando en sacar una película con Luke Cage de protagonista (el gran superhéroe de la blaxploitation de Marvel), critica anguaño, nuna entrevista recién, que nes películes d’esta compaña los actores dexen de ser los protagonistes pa nun ser más que los puntos que dan vida a la verdadera estrella, el personaxe de la franquicia.
Como yera de suponer, esta crítica acarretó un montonáu de reaiciones nes redes, mesmamente de dellos actores d’eses películes. Por casu, Simu Liu, el protagonista de Shang-Chi and the Legend of the Ten Rings, retrucó-y qu’estes tan dando visibilidá a la diversidá, mientres que la yera dorada de Hollywood qu’él señarda yera bien blanca.
La polémica ta sirvida.
