El primer videoxuegu asturianu ta a piques de salir a Crowdfunding, Esti xueves 5 de mayu, viéspora del Día de les Lletres, entama la campaña pa consiguir los 2.000€ que van facer posible asoleyar el primer videoxuegu n’asturianu. Pero toles campañes de crowdfunding en verkami lleven arreyaes una serie de recompenses pa los mecenes que ponen más perres y la de Tiempu de Lleendes nun ye una esceición, contámosvos les novedaes que va permitir esti xuegu a les persones más xeneroses col so llanzamientu.
Como pasare yá col xuegu de rol n’asturianu Depués d’Ochobre, los mecenes que más perres pongan van poder vese convertíos nun personaxe secundariu del xuegu o PNX: Esto ye, una persona que va pasar per ehí nun momentu concretu y dirá dalgo. Pues ser un chigreru atendiendo un chigre, un guardia de la ciudá fartu d’aburrise al pie de la puerta… etc. Les opciones son numberoses pero les places namás 10.
PNX y vese retratáu nun videoxuegu históricu
La otra recompensa, acutada a les persones que son aínda más xeneroses, ye la de convertise nun personaxe secundariu de mayor importancia. El principiu ye’l mesmu pero’l PNX fadrá otres coses amás de tar ehí y soltar un par de frases como, por exemplu, dar una misión al xugador.
Si queréis más información sobre Tiempu de Lleendes, recordámoste que fiximos un artículu va unos meses y que pues consultalu equí:
