L’escritor Abel Martínez vulve tres d’años desapaecíu pa ser, depués de Dolfo Camilo, l’únicu narrador n’asturianu n’atrevese cola ficción posapocalíptica. En Vikingos 2035, la novela nueva de la editorial Radagast y que yá ta en preventa, vamos conocer “L’Arca de los Llobos”, l’antigua Ḷḷuarca, una villa que nun principiu paez una comuna hippie na que suañar un mundu meyor, pero pronto acaba volviéndose la fortaleza a defender nuna guerra escontra un enemigu misteriosu y bien organizáu que vien del mar. Una hestoria de sobrevivencia, d’organización social d’un mundu depués de la cayida, y de munchu misteriu.
Abel Martínez ye nacíu n’Uviéu allá pelos 70, y siempre vivió, trabayó y estudió per equí. Estudió bien de coses, porque toes-y prestaben polo menos un poco, gústa-y escribir, facer radio, andar pel monte y trabayar la güerta… En 2007 ganó ex-aequo con Nicolás Bardio’l I Premiu Asturnews de rellatu infantil y xuvenil y esi mesmu añu fadríase col yá estintu premiu “Uviéu” de narración con un rellatu d’aventures “L’Aventura de Minho”.
Si nun podéis esperar más, podéis acceder a la preventa na páxina de Radagast, calcando equí. Y dexámosvos col arte de la portada, a cuenta del ilustrador Xon de la Campa.
