Hai en marcha dellos proyectos pa trayer de nueves una de les sagues d’horror más importantes de los videoxuegos, y que nos últimos años paecíen tener dalgo abandonada. Tán dos entregues nueves en camín, Silent Hill: Townfall (dexámosvos un avance calcando equí) y Silent Hill F (equí), y tamién el remocicamientu Silent Hill 2 Remake (equí). Pero güei nun ye d’estes de lo que vamos falavos. Ye d’otru proyectu bastante poco habitual y que ta a puntu d’estrenase: la serie interactiva Silent Hill Ascension.
Esta serie d’animación va poder vese/xugase en PC, PlayStation y televisores Bravia, y lo de la interactividá consiste, por si nun vistis nunca ún programa d’esti tipu, nuna especie de “escueyi la to aventura”, onde cada ratu hai q’escoyer qué faen los personaxes ente (davezu) dos opciones que nos dan. Asina, fáennos partícipes del so destín, de si sobreviven o muerren, y seguramente ayude a metenos na ambientación y sufrir los sustos.
Estrénase la Nueche d’Ánimes, n’España a les trés de la mañana, conque vais tener d’echavos sero si queréis esfrutala en vivo. Y ye qu’ehí ta la gracia, o la non-gracia, porque’l camín va escoyese ente tolos espectadores que la vean nesa. Esto ye, na serie los personaxes nun van facer lo que tu quieras tu a soles, sinón lo que decida la mayoría.
Dexámosvos l’avance calcando equí, a la espera de que se sepa más de los demás proyectos de la franquicia.
