Monkey Island ye, quiciabes, una de les aventures gráfiques más mítiques de los años 90. Creada por Ron Gilbert, el xuegu tuvo delles secueles como Monkey Island: La venganza de LeChuck, La Maldición de Monkey Island, La Fuxida de Monkey Island y Cuentos de Monkey Island. Esta última entrega llega en 2022 unos cuantos años depués de la última entrega de Ron Gilbert y, tamién, 5 años depués de que mos sorprendiere con otra aventura d’estética pixel art de los 90 “Thimbleweed Park”.
Perl momentu, lo único que tenemos pa xulgar “La vuelta de Monkey Island” ye un videu “teaser” que mos dexa clara la primera conclusión: Nun paez que vaiga caltener la estética pixelada y noventera que tanto mos presta. Con too, nun va dexar de ser un Monkey Island y un xuegu diseñáu por Ron Gilbert, polo que la diversión y les rises tán más qu’aseguraes.
