El coronavirus aburre yá. Esti virus nuevu que tien una tasa de mortandá menor que la de la Gripe común, convertióse indesplibablemente na noticia más de moda del momentu. Los medios de comunicación paez que mecen los llamaos a la calma coles noticies más estrafalaries y escandaloses qu’inviten a lo contrario. Por eso, tanto si pasáis del coronavirus y nun vos esmolez ver a la xente pa facer un xuegu de mesa como si tenéis mieu y queréis quedavos en casa aisllaos, equí vos facemos una esbilla de los meyores xuegos “de virus” tanto de mesa como videoxuegos. ¿Cuál vos apetez?
Virus
Virus ye un xuegu de cartes cenciellu. Cada xugador tien cuatro cartes, una per muérganu del cuerpu, y na mano, amás d’otros muérganos, tenemos melecines y virus. L’oxetivu del xuegu ye inmunizar los nuesos muérganos mientres que facemos por destruyir los de los otros xugadores. Con dos virus destruise un muérganu y con dos melecines inmunízase. Depués, virus y melecines destrúyense ente ellos.
Pandemic
Si vos presta más el llau “mieu total” de coses como’l coronavirus, el xuegu de mesa Pandemic ye la escoyeta afayadiza. Nesti casu nun se trata de destruyir el muérganu de nengún xugador sinón, al contrario, de xugar de mou cooperativu escontra “la máquina” o, meyor dicho, el virus. Trátase de controlar les infeiciones, descubrir el remediu y evitar qu’heba una catástrofe mundial. ¿Imaxinásti la lloxística detrás d’un apocalipsis zombie? Pandemic ye daqué asemeyao… ¡y nun ye fácil ganar!
Theme Hospital
Nel apartáu de videoxuegos, el Theme Hospital ye una opción que nun puede fallar. Equí, ponémonos a los mandos d’un hospital, pero tratando enfermedaes de lo más graciso como xente cola cabeza hinchada o una llingua enorme. Les cures, tamién son de lo más gracioso y son quién a quita-y cualquier traza de “mieu” o “aprensividá” que podríemos esperar nun xuegu de xestionar un hospital.
Two Point Hospital: Lo mesmo pero meyor
Nun hai muncho más que dicir. Theme Hospital ye un xuegu vieyu pero que tien munchísimu interés y ye bien prestosu de xugar. Por eso, creóse Two Point Hospital, un xuegu idénticu pero actual y que vais poder atopar en Steam.
Plague Inc.: Crear virus y infeutalos a toos
Pero de toos, Plague Inc. ye, ensin nenguna dulda, “el xuegu del coronavirus”. En realidá, censuráronlu yá xustamente por eso como informaron. Asina, podemos ver que dellos youtubers xubieron yá videos de “gameplays” onde creen el Coronavirus y xueguen a facer simulaciones de qué podría pasar (si en realidá fore un virus d’importancia mortal, que por fortuna nun ye).
