Allá pelos años 2001 y 2002, DC asoleyó una rareza bien llamadera. La premisa de Just Imagine yera: “¿qué sedría del universu comiqueru de DC si los personaxes los creare Stan Lee?” Y asina, dieron la oportunidá al míticu guionista de Marvel de versionar los sos personaxes más nomaos nuna serie de trece one-shots. Nellos, por casu, Superman ye un axente de policía estraterrestre, Wonder Woman una activista peruana que garra poderes místicos, y Batman un afroamericanu encarceláu por un crime que nun cometió.
Agora, pa celebrar el centenu aniversariu del ñacimientu de Stan Lee, DC saca un cómic nuevu, Tales from Earth-6: A Celebration of Stan Lee, nel que presenta la vuelta d’estos personaxes de la nomada Tierra-6 del multiversu DC: un especial de 96 páxines con diez hestories nueves pero de tastu clásico.
Dexámosvos con delles portaes alternatives que muestren el diseñu de los personaxes, esperando que nun tarden muncho n’espublizar equí l’especial.
