L’asturianu Rodolfo Martínez tien construyío’l llamáu mundu de Drimar, ún de los universos de ciencia-ficción más premiaos n’España con nada menos que cinco Premios Ignotus. Anguaño la editorial Sportula saca a la preventa una antoloxía d’autoría compartida por él con otros diez autores, pa que aporten la so visión personal de la saga al empar que descubren requexos hasta agora desconocíos, rellenen güecos y igüen coses que, como en cualesquier hestoria de dimensiones tales, paecíen nun casar dafechu.
Asina, coordinaos por José R. Montejano, los autores Elia Barceló, Guille Jiménez, Cristina Hurado, David Luna, Amparo Montejano, Oscar Navas, Laura S. Maquilón, Juan Manuel Santiago, Gemma Solsona y Eduardo Vaquerizo, toos a la xunta de Martínez con material revisáu, firmen esta antoloxía.
El llibru sal a la venta en febreru, tanto en formatu fisicu (pudiendo escoyer si tapa dura o rústica) como n’ebook, pero yá lu tenéis en preventa. Si vos interesa, tenéis más información y l’accesu a la preventa na páxina de Sportula, na que podéis entrar calcando equí.
